فراخ محشية فريك فاطمة ابو حاتي

فراخ محشية فريك في الكيس الحراري للشيف فاطمة أبو حاتي

لو بتدوري على وصفة فراخ محشية فريك رهيبه وسهلة في نفس الوقت، يبقى لازم تجربي فراخ محشية فريك في الكيس الحراري اللي بتطلع طرية وطعمها حكايه. الوصفة دي مناسبة جدًا للعزومات وكمان تقدر تعمليها بطريقة سهله في الفرن أو في طاجن لو حابة.

فراخ محشية فريك فاطمة ابو حاتي

تعالي نشوف طريقة عمل صينية الفراخ بالفريك في الفرن بكل التفاصيل والمقادير المظبوطة.

المقادير

• فرخة وزنها كيلو إلى كيلو وربع (يفضل بلدي).

تتبيلة الفراخ:

• 1 طماطمية مقطعة مكعبات.
• 1 بصلة كبيرة مقطعة.
• رشة سكر.
• رشة حبهان بودر.
• ملح وفلفل أسود حسب الرغبة.

للحشو:

• 1 كوب فريك (يعادل 200 جرام)، مغسول ومصفى كويس.
• كبدة الفراخ مقطعة مكعبات.
• 1 بصلة كبيرة مبشورة.
• 1 طماطمية مبشورة.
• 1 ملعقة صغيرة قرفة بودر.
• ملح وفلفل أسود.
• 2 ملعقة زيت و1 ملعقة سمنة بلدي.

للتسوية:

• 1 جزرة مقطعة مكعبات.
• 1 بصلة مقطعة.
• 1 طماطمية مقطعة.
• 1 ملعقة كاتشب.

طريقة التحضير

1. نظفي الفراخ كويس وتأكدي إن الجلد سليم ومافيش أي قطع.
2. اخلطي مكونات التتبيلة واضربيهم في الكبة لحد ما يبقوا ناعمين.
3. تتبل الفراخ كويس جدًا من الداخل والخارج وتحت الجلد.
4. في طاسة، شوحي البصلة المبشورة في السمنة والزيت، وبعدها ضيفي الفريك والبهارات وقلّبي كويس لحد ما يبقى مفلفل.
5. في طاسة تانية، شوحي كبدة الفراخ مع ملح وفلفل أسود وقرفة.
6. اخلطي الكبدة مع الفريك بعد ما يبردوا، وابدأي بحط الحشو داخل الفراخ.
7. اقفلي الفتحة بخيط أو الرقبة لو موجودة.
8. ضعي الفراخ في الكيس الحراري مع الجزر، البصل، الطماطم، الكاتشب، واقفليه كويس مع عمل فتحتين صغيرين.
9. سخني الفرن على 200 درجة، وضعي الفراخ في الرف السفلي لمدة ساعة.
10. لو عاوزة لون أحلى، افتحي الكيس ودخليها 10 دقايق تحت الشواية.

نصائح لنجاح فراخ محشية فريك بالخلطة السرية

• الفريك لازم يتصفى كويس قبل الحشو، وممكن تنقعيه نص ساعة.
• شوحي الكبدة لوحدها عشان ما تنزلش زفارة على الفريك.
• تسويه الفريك تلتين سوى قبل الحشو عشان الفرخة ما تفرقعش.
• لو مش هتستخدمي الكيس الحراري، ضيفي كوباية ماء مغلي تحت الدجاجة علشان ما تنشفش.
• ممكن تسلقي الفراخ الأول في ماء مغلي مع بصلة، جزرة، طماطم، حبهان، ورق لورا، مستكة، وبعدها تحمريها في الفرن.
• لو حابة لون ذهبي رهيبه، امسحي الفرخة بمعلقة زبدة أو عسل بعد التسوية.

الخاتمة:

كده عملنا وصفة فراخ محشية فريك بالخلطة السرية للشيف فاطمة أبو حاتي بطريقة سهله ومميزة، وقدمنا صينية الفراخ بالفريك في الفرن بأفضل طعم وتسويه رهيبه. جربيها في العزومات وهتشوفي الفرق بنفسك، والطعم حكايه! متنسيش تتابعي برنامج العزومة عشان تشوفي وصفات أكتر، وكمان جربي الدجاج المحشي بالرز أو حتى الحمام الكداب بنفس الطريقة.