العجة بالبيض فاطمة أبو حاتي
العجة بالبيض من الأكلات المصرية الأصليه اللي كلنا بنحبها، ودايمًا بتكون أحلى اختيار لفطار مصري لذيذ وسريع. النهاردة هاتعمليها بطعم خطير وبطريقة سهلة وبسيطة للشيف فاطمه ابو حاتي، وهاتقدميها بطعم ولا أروع زي الجاهزة بالظبط.
 |
| العجة بالبيض فاطمة أبو حاتي |
العجة المصرية مش بس بتتعمل بالبيض والدقيق، ممكن كمان تضيفي ليها الخضار زي البطاطا أو البطاطس أو حتى القرنبيط، ودا بيخليها وجبة متكاملة.
المقادير
- ٨ بيضات
- نصف كوب دقيق (حوالي ٦٠ جرام)
- ٢ بصلة متوسطة مفرومة ناعمة
- ٣ حزم خضرة (شبت، بقدونس، كزبرة) مفرومين
- ١ ثمرة طماطم مقطعة مكعبات صغيرة
- ١ قرن فلفل رومي أخضر مقطع مكعبات صغيرة
- ١ قرن فلفل حامي مقطع قطع صغيرة
- ملح حسب الرغبة
- رشة فلفل أسود
- ملعقة صغيرة كمون
- ملعقة صغيرة كزبرة جافه
- ربع ملعقة صغيرة بيكنج صودا
- ملعقة صغيرة بيكنج بودر
- ٣ ملعقة كبيرة سمنة أو الزيت حسب الرغبة
- نصف كوب لبن حليب (حوالي ١٢٥ مل)
طريقة تحضير العجة المصرية
- في طاسة على النار، نضيف السمنة أو الزيت، ثم نضيف البصل المفروم ونقلبه لحد ما يذبل وياخد لون ذهبي.
- نسيب البصل يبرد شوية، وفي وعاء عميق، نكسر البيض، ونضيف عليه الملح، الفلفل الأسود، الكمون، الكزبرة الجافه، الدقيق، والبيكنج بودر والبيكنج صودا.
- نقلب المكونات كويس جدًا لحد ما الخليط يبقى ناعم بدون تكتلات.
- لو الخليط تقيل، نضيف نصف كوب الحليب ونقلبه كويس.
- نضيف البصل المشوح للخليط بعد ما يبرد، ونضيف كمان الخضرة المفرومة (البقدونس، الشبت، الكزبرة)، والفلفل الرومي والحامي، والطماطم المقطعة، ونقلبهم كلهم مع بعض.
- نحضر صينيه مدهونة سمنة ورشة دقيق، ونصب فيها خليط العجة.
- ندخل الصينية فرن سخن على درجة حرارة ١٧٥ درجة مئوية لمدة ٣٠ دقايق أو لحد ما تستوي العجة.
- نطلع العجة ونسيبها تهدى شوية، بعدين نقلبها في طبق التقديم، ونقطعها حسب الرغبة.
نصائح لنجاح العجة المصرية
- ممكن تضيفي البطاطس المبشورة للعجة عشان تكون مشبعة أكتر.
- لو بتحبي الطعم الحار، زودي قرن فلفل حامي.
- تقدري تضيفي القرنبيط المهروس عشان تحصلي على قيمة غذائية أعلى.
- لو عاوزة العجة تكون هشة أكتر، استخدمي البيكنج صودا والبيكنج بودر مع بعض.
- ممكن تقسمي الخليط في قوالب صغيرة عشان تكون سهلة التقديم.
وبكده نكون عرفنا مع بعض طريقة عمل العجة المصرية الأصلية للشيف فاطمة أبو حاتي، جربيها وهاتعمليها بكل سهولة.
